Përmbyllet edicioni i parë i Festivalit “MobiKino”

Festivali më i ri në Kosovë dhe rajon “Mobikino” ka përmbyllur me sukses edicionin e sivjetmë të rrugëtimit, shkruan Gazeta Monitor.

Festivali ka përshkruar rrugëtimin e parë dhe tejet të suksesshëm në dy komuna në Kosovë dhe dy jashtë saj duke i dhënë publikut kënaqësinë e shijimit të filmave dokumentar me fokus të drejtat e njeriut dhe të pakicave.Ishin filmat e regjisorëve kosovar dhe të huaj si Besim Ugzmajli pastaj Mathieu Jouffre, Aleksandër Reliq dhe shumë tjerë që i dhanë publikut një pasqyrë për të kaluarën, të tashmen dhe porosinë për të ardhmen nëpërmjet mediumit të fuqishëm siç është filmi dokumentar.
Drejtori i Festivalit Lavdim Klaiqi për ‘Gazetën Monitor’, u shpreh i kënaqur me edicionin e parë të festivalit duke premtuar shumë edicione të tjera që do të vijnë nga viti në vit. Klaiqi u shpreh se qysh tani kanë filluar lëvizjet dhe kontaktet me regjisorë dhe producent nga rajoni rreth filmave dokumentar që planifikohen të shfaqen në edicionin e ardhshëm. Gjithashtu, së fundmi, është shtuar interesimi edhe për turne jashtë Ballkanit, kryesisht nga vendet perëndimore. Do të ketë një mori risish dhe ide kreative që do të përfshihen në edicionin e ardhshëm, ndërsa sa i përket përmbajtjes, hyn në radhën e ngjarjeve që nëpërmjet filmit dokumentar trajton tematikën e të drejtave të njeriut në vend, rajon dhe më gjerë. Kjo zgjedhje tematike është bërë me qëllim të ngritjes së vetëdijes dhe promovimin e kulturës së të drejtave të njeriut posaçërisht tek të rinjtë e rajonit. T’u përkujtojmë se Festivali Mobikino ka një qasje të re duke e renditur Kosovën e rajonin në mesin e vendeve me trendin inovativ të ndodhive shoqërore. Më konkretisht, ky Festival është lëvizshëm ose mobil, pra rrugëton me kombi (minibus) nga vendi në vend dhe në këtë formë i jep mundësinë edhe qytetarëve nga Komunat e vogla që të shijojnë ngjarje (tematike) në vendin e vet, pa pas nevojë të shkojnë gjetiu.
Duhet cekur se ky festival u përkrah nga organizata holandeze Movies that Matters nga Kompania për prodhimin e pijeve “Fluidi” si dhe nga donatorë të tjerë. /Gazeta Monitor/

Mobikino

Reminder

Human rights are rights inherent to all human beings, whatever our nationality, place of residence, sex, national or ethnic origin, colour, religion, language, or any other status. We are all equally entitled to our human rights without discrimination. These rights are all interrelated, interdependent and indivisible.